Nuk shlyente borxhin, katër persona bëjnë për spital 33 vjeçarin
Për një borxh, një 33 vjeçari i kanë zënë pritë në Vorë dhe e kanë bërë për spital. Ngjarja ka ndodhur një ditë më parë dhe i riu është dhunuar nga katër persona në rrugën Tiranë-Vorë.

Shtetasi me inicialet K.H., 33 vjeç, banues në Tiranë, po kthehej në shtëpi kur katër persona të paidentifikuar i kanë zënë prite dhe kanë nisur ta rrahin.

Mësohet se njëri prej tyre i ka vënë pistoletën në kokë dhe e ka goditur me qytën e saj. I riu ka rënë pa ndjenja nga dhuna dhe është dërguar menjëherë në Spitalin Ushtarak. Ndërkohë, katër të rinjtë janë larguar me një automjet nga vendngjarja, shkruan “Panorama”. Policia po punon për kapjen e autorëve, ndërsa pritet edhe dëshmia e të riut. Dyshohet se ai ka patur disa para borxh dhe është dhunuar nga huadhënësit. /albeu.com/



Shtuar më 13/01/2017, ora 17:48

Shkruani komentin tuaj!
Të fundit nga kjo kategori