Nuk i la sheshin LSI-së, Mandija i kërkon llogari Dritan Lelit
Zëvendëskryeministrja, Ledina Mandija i ka kërkuar informacion kreut të Bashkisë së Vlorë, Dritan Leli në lidhje me refuzimin për t'i vënë në dispozicion LSI-së sheshin për të bërë miting.

"Duke pasur parasysh faktin se referuar Kodit Zgjedhor se periudha zgjedhore fillon 30 ditë para datës së zgjedhjeve si dhe me qëllim shmangien e keqpërdorimit dhe keqinterpretimit të aktivitetit institucional të administratës publike, bazuar në pikën 31 të VKM nr. 473, datë 01.06.2017">2017, zv/Kryeministrja Mandija i kërkoi sot Kryetarit të Bashkisë Vlorë vënien në dispozicion të informacionit në lidhje me rastin në fjalë"., -thuhet në njoftimin e shpërndarë nga zyra e zv.kryeministres.

Në shkresën e saj, Mandija i kërkon Lelit të bëjë publike se për cilin subjekt politik është dhënë në përdorim sheshi; llojin e aktivitetit për të cilin është dhënë leja; praktikën e ndjekur si dhe bazën ligjore në të cilën është mbështetur në dhënien e lejes.
Shtuar më 08/06/2017, ora 15:00

Shkruani komentin tuaj!
Të fundit nga kjo kategori