Nuk dekretoi paketën anti-shpifje, reagon Meta
Ditën e djeshme presidenti Ilir Meta nuk dekretoi "anti-shpifje", duke e kthyer mbrapsht në Kuvend.

Me nje shenim ne faqen e tij ne Facebook, bashkengjitur arsyetimin ligjor te mosdekretimit te kesaj pakete, presidenti Meta thekson se eshte koha per reflektim.

“Eshtë koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë.
Edhe njëherë, i ftoj të gjithë të lexojnë me vëmendje argumentat kushtetuese dhe ligjore të kthimit për rishqyrtim në Kuvend të paketës së ashtuquajtur “anti-shpifje”, apelon Meta.

Postimi i Metës

Të dashur qytetarë,
Liria e shprehjes, liria e medias dhe e drejta e informimit, përveç se janë të drejta themelore kushtetuese, janë të lidhura ngushtë me parimin e ndërtimit dhe funksionimit të një shteti demokratik.

Shqipëria dy vitet e fundit ka një përkeqësim të këtyre treguesve, sipas konkluzioneve të organizatave prestigjoze ndërkombëtare të gazetarëve, si dhe të institucioneve ndërkombëtare që monitorojnë respektimin e lirisë së medias.
Ndaj është koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë.

Edhe njëherë, i ftoj të gjithë të lexojnë me vëmendje argumentat kushtetuese dhe ligjore të kthimit për rishqyrtim në Kuvend të paketës së ashtuquajtur “anti-shpifje”.
Shtuar më 13/01/2020, ora 14:25

Shkruani komentin tuaj!
Të fundit nga kjo kategori