Nostalgjikët komunistë dhe veteranët kanë bërë sot homazhe në Varrezat e Dëshmorëve me portretin e diktatorit, Enver Hoxha në duart e tyre.

Ata i kryen homazhet pak pasi në vend u organizua ceremonia shtetërore.

Nostalgjikët e Enver Hoxhës vendosën buqeta me lule para memorialit “Nënë Shqipëri”, por për herë të parë mbanin në duar pankarta kundër qeverisë së kryeministrit Edi Rama.

“Poshtë Qeveria neoballiste e Edi Ramës” dhe “Bularati është Shqipëri”, ishin disa nga pankartat e nostalgjikëve të Enver Hoxhës. Shkak për këtë revoltë të komunistëve është bërë nderimi i eshtrave të Mit’hat Frashëri, themeluesit të Ballit Kombëtar.