Ministri i Brendshëm, Flamur Noka ka inspektuar punën në pikën e kalimit kufitar të Kapshticës. I shoqëruar edhe nga Drejtori i Përgjithshëm i Policisë së Shtetit, Hysni Burgaj, ministri Noka është takuar me përfaqësues të policisë kufitare në Kapshticë.

Në fjalën e tij, ministri Noka ka vlerësuar punën e bërë nga policia kufitare për të përballuar fluksin e emigrantëve dhe turistëve të huaj të cilët kalojnë në territorin shqiptar.

"Kapshtica ka fluksin më të madh në vit nga emigrantët dhe te huajt. Pritjet dhe radhët kilometrike në këtë doganë kanë mbetur një kujtim i së shkuarës. Kapshtica është pika kryesore për në Bashkimin Europian", tha Noka.


Ministri i Brendshëm Flamur Noka gjithashtu ka falenderuar edhe palën greke për bashkëpunimin shumë të mire me policinë kufitare shqiptare. /albeu.com/