Dy vite më parë, banorëve të Tiranës për gjatë Bulevardit iu prishën banesat për zgjerimin e tij dhe nuk kanë marrë asnjë dëmshpërblim.

Një prej këtyre banoreve ka paralajmëruar mbrëmjen e sotme banorët e Astirit që të mbrojnë banesat e tyre.

Ana Alla ka treguar për Fax News se jeton prej dy vitesh me qira.

Për banorët e Astirit, ajo u shpreh:

"Mos u tërhiqni nga protesta, mbrojini me armë banesat, ose do dilni të humbur"

Në atë kohë edhe pse disa familje patën përplasje me policinë dhe bënë rezistencë për mos prishjen e banesave, nuk ia dolën që të mbronin banesat e tyre.

Vlen të theksohet se shumica dërrmuese e atyre që protestojnë nuk kanë asnjë letër që tregon për pronësinë e shtëpive. Fatkeqësisht në vitet pas komunizmit shumë njerëz u dyndën në Tiranë dhe filluan të ndërtonin pa e pyetur shtetin.