Bashkia e Tiranës i ka vendosur emrin "Gjergj Filipi" rrugës mes "Pallatit të Kongreseve" dhe Hotel "Rognerit" në ndër të ekonomistit të njohur, i cili humbi jetën nga një sëmundje e pashërueshme një vit më parë.

Në momentin që u ndaj nga jeta, Filipi ishte në krye të Institutit të Statistikave duke i dhënë një frymë perëndimore atij institucioni si edhe duke rritur pavarësinë e tij në drejtim të gjenerimit të të dhënave.

Kush ishte Gjergj Filipi
Filipi drejtori Institutin e Statistikave nga tetori 2013 deri kur ndwrroi jetw. Prej janarit 2007 ka mbajtur postin e Drejtorit të Kërkimeve në Institutin AGENDA.

Ishte konsulent për një sërë projektesh në fushat e zhvillimit dhe politikave ekonomike të financuara nga Bashkimi Europian; Banka Botërore (Washington DC, Tiranë, Prishtine); UNDP; IOM, ILO, Zyra e Bashkëpunimit Zvicerian, etj.

Koordinator politikash në Këshillin e Ministrave dhe Ministrinë e Integrimit Europian; Specialist për paktin e stabilitetit dhe bashkëpunimin ekonomik pranë Ministrisë së Bashkëpunimit Ekonomik dhe Tregtisë; Anëtar përfaqësues i Ministrisë së Bashkëpunimit Ekonomik dhe Tregtisë në Ekipin Negociator për Marrëveshjen e Stabilizim–Asociimit me BE. /Albeu.com/