Nishani ngushëllon familjarët e minatorëve që humbën jetën në Martanesh
Pëlqej
Bujar Nishani
Presidenti i Republikës Bujar Nishani përmes një mesazhi ngushëllimi dërguar familjeve të dy minatorëve që humbën jetën sot në Minierën e Fushë Lopës, në Martanesh, shprehet se ky ishte një lajm i hidhur dhe tronditës jo vetëm për zonën, por për mbarë vendin.

"Jam i pikëlluar për ngjarjen e rëndë të ndodhur sot në Minierën e Fushë Lopës, në Martanesh ku fatkeqësisht humbën jetën dy minatorë, është një lajm i hidhur dhe tronditës jo vetëm për zonën, por për mbarë vendin!
I shpreh ngushëllimet më të sinqerta familjarëve dhe miqve të viktimave, u gjendem pranë në këto momente kaq të vështira, duke u lutur bashkë me ta që shpirti i tyre të gjejë paqen e merituar.
Njëkohësisht, kërkoj nga autoritetet qëndrore të punojnë pa u ndalur për rritjen e sigurisë fizike të minatorëve si dhe për shtimin e kujdesit social ndaj familjeve të kësaj kategorie që shpesh janë ballafaquar me rreziqe të larta, deri në humbjen e jetëve të të dashurve të tyre.
Ngushëllime të sinqerta!" thuhet ne mesazhin e ngushellimit të presidentit. /albeu.com/
Shtuar më 19/08/2014, ora 12:41
Shkruani komentin tuaj!
Të fundit nga kjo kategori