Nishani i shqetësuar për vonesat në kufirin grek
Ministri i Brendshëm, Bujar Nishani, vlerësoi nivelin e bashkëpunimit me palën greke dhe rezultatet e arritura kundër krimit dhe trafikut ilegal. Nishani u takua sot me drejtorin e Përgjithshëm të Policisë greke, Eleftherios Oikonomou, ku shprehu shqetësimin për vonesat nëpër pikat e kalimit kufitare, si dhe ndalimin për të kaluar në anën tjetër të kufirit të disa qytetarëve.

Nga ana e tij, kreu i policisë deklaroi se për vonesat në kufi, që tashmë përsëriten çdo verë, dimër apo në kohë Pashkësh, do të ngrihet një grup i përbashkët pune.

Oikonomou, i cilësoi të papranueshme dëmtimet e pasaportave për disa shtetas dhe tha se do të merren masa në raste të tilla.


Më herët Oikonomu u takua me Drejtorin e Përgjithshëm të Policisë së Shtetit Hysni Burgaj. /albeu.com/


Shtuar më 29/08/2011, ora 14:09

Shkruani komentin tuaj!
Të fundit nga kjo kategori