Nuk i shkojnë studentët, Rama i ulëret rektorëve dhe dekanëve
Nishani: Bashkëjetesa fetare, visar i çmuar për brezat
Pëlqej
Presidenti i Republikës, Bujar Nishani ishte sot mes pelegrinëve në Malin e Tomorrit. Në fjalën e tij përshëndetëse me rastin e kesaj feste, kreu i shtetit e ka quajtur nder e privilegj pranine mes pelegrineve, duke uruar besimtaret.

Sipas Presidentit Nishani, një nga arsyet e vizitës së Papa Francekso në Shqipëri më 21 shtator, është dhe toleranca dhe bashkëjetesa fetare në vend, si një vlerë e çmuar e këtij populli.

“Kjo bashkëjetesë fetare është fryt i drejtuesve fetar. Këto vlera dhe visare të çmuara të vendit tonë, jo vetëm do ja lëmë trashëgimi brezave të ardhëm por dhe do i eksportojmë. Fati i shkruar ndonjëherë na ka vënë krah për krah, me ide e bindje fetare të ndryshme.”-tha Nishani.

Gjatë ceremonisë në ndër të festës dhe pelegrinazhit, Baba Mondi përshëndeti pjesëmarrësit nga e gjithë Shqipëria dhe jo vetëm.

“Është kënaqësi e veçantë tj’u përshëndes sot, por ajo e para dhe më domethënësja është numri juaj i madh dhe devocioni i besimtarëve.”-u shpreh Baba Mondi.

Vizitorët kanë ngritur çadrat e tyre në Kulmak, duke bërë jo vetëm kurbanin për nder të Abaz Aliut, por edhe kanë vizituar të gjitha vendet e shenjta të kësaj maje të thepisur mali, ku kanë kryer ritet e besimit bektashi. çdo vit, ky ritual vijon për 5 ditësh, ku sot ka kulmuar me një numër të madh vizitorët.
Shtuar më 22/08/2014, ora 11:40
Shkruani komentin tuaj!
Të fundit nga kjo kategori