Dy aksidente kanë ndodhur në rrugët e qarkut të Lezhës.
Mësohet se një automjet me të cilin udhëtonin tre vajza doli nga rruga e përfundoi në një kanal me ujë në rrugën Shënkoll-Tale.
Të ndihmuar edhe nga banorët e zonës, vajzat arritën të dilnin nga makina.
Pak minuta më vonë një tjetër aksident ndodhi në rrugën e Kunes në Shëngjin ku një automjet u përplas me një motoçikletë. Për pasojë mbeti i plagosur drejtuesi i motoçikletës, i cili është dërguar me urgjencë në spitalin e Lezhës. Për dy aksidentet policia ka nisur hetimet për zbardhjen e shkaqeve dhe rrethanave./albeu.com
