Nis puna për bulevardin e ri, Basha: Ditë historike
“Copri Construction Enterprises LLW” është kompania kuvajtiane që është përzgjedhur si kompani e cila do të nisë ndërtimin e bulevardit dhe rehabilitimin e lumit të Tiranës. Në nisjen e punimeve kryebashkiaku Lulzim Basha u shpreh se ishte i luktur që sot hapet një korridor i ri zhvillimi për Tiranën, për punësimin dhe nxitjen e sipërmarrjes dhe hapësirës së re të gjelbërimit.

Duke iu përgjigjur banorëve protestues Basha u premtoi se do korrigjohet shifra e shpronësimit.

“Do korrigjojmë çdo shpronësim të bërë në parametrat e meritura, që çdo familjar të ndihet bashkëaksioner. Gjithashtu i siguroj ata që përdorin e keqpërdorin qytetarët për të avancuar axhendën e tyre të bllokimit se nuk do ia dalin”- tha Basha.

Janë 61 milionë euro që do të përdoren për këtë projekt strategjik. I lançuar për herë të parë nga kryebashkiaku Basha gjatë fushatës elektorale të vitit 2011, nis të shndërrohet në realitet, rreth 2 vjet pas zgjedhjes së tij në krye të Bashkisë së Tiranës. Në fazën e parë të punimeve që nis nga Stacioni i Trenit, përfshihet edhe një parkim i madh nëntokësor. Përgjatë bulevardit është parashikuar kalimi i linjës së tramit, që do të lidhë terminalin multimodal të pasagjerëve me sheshin “Nënë Tereza”. Në bulevardin e ri të Tiranës do të ndërtohet Pallati i Drejtësisë dhe institucione të tjera publike kulturore dhe artistike, qendra biznesi etj. Ndërtimi i bulevardit të ri do të shtojë mbi 150 mijë metra katrorë gjelbërim, përgjatë aksit të tij, ose afërsisht 5 herë më shumë se parku “Rinia”. /albeu.com/
Shtuar më 07/09/2013, ora 11:32
Shkruani komentin tuaj!
Të fundit nga kjo kategori