Nipi i komunistit të famshëm, kjo është lidhja e Edi Ramës me diktaturën e Enver Hoxhës (FOTO LAJM)

Kryeministri Edi Rama është një ndër politikanët më të akuzuar në lidhje me "rrënjët" e tij në sistemin komunist.

Kjo për shkak të lidhjes së tij familjare me një ndër figurat më të njohura te komunizmit në Shqipëri, Spiro Koleka.

Kryeministri Rama është nipi nga nëna i një prej anëtarëve më jetëgjatë të Byrosë Politike gjatë sistemit komunist.

Por kush është Spiro Koleka?

Spiro Koleka u lind në Vuno të Himarës më 7 korrik 1908, i biri i Thoma Kolekës.

Mësimet e para i mori në vendlindje, më pas vijoi studimet në liceun klasik të Shën Dhimitër Koronës në Itali.

Më pas vijoi studimet e larta në Universitetin Politeknik të Pizës, po në Itali, ku u diplomua më 1934 si inxhinier civil.

Më 1936 - 1937 qe punonjës i Ministrisë së Punëve Botore në Shqipëri, më 1937 - 1939 qe kryetar i Zyrës së Punëve Botore në Shkodër.

Spiro Koleka ka qenë anëtar i Partisë Komuniste Shqiptare që nga viti 1943.

Nga 1948 deri në vitin 1981, ai ka qenë anëtar i Byrosë Politike të Partisë së Punës të Shqipërisë(Partia Komuniste).

Spiro Koleka ka qenë partizan në Luftën Antifashiste Nacional-Çlirimtare dhe anëtar i Shtabit të Përgjithshëm të Ushtrisë.

Pas Çlirimit, ai mbajti postin e zëvendëskryetarit të Këshillit të Ministrave dhe njëkohësisht nënkryetar i Presidiumit Popullor.

Koleka ka qenë deputet në të gjitha legjislaturat periudhës së regjimit komunist, ndërsa deri në vitin 1948 ai ka qenë ministër i Punëve Botore. /albeu.com/

Shtuar më 07/07/2020, ora 16:19

Shkruani komentin tuaj!
Të fundit nga kjo kategori