Nimic korrigjon propozimin e Tetorit
Albeu.com
Me optimizëm se zgjidhja e kontestit greko-maqedonas për emrin e vendit është afër, ka përfunduar vizita dyditore e përfaqësuesit të posaçëm të Kombeve të Bashkuara, Metju Nimic.Nimic para gazetarëve tha se është inkurajuar nga konstruktiviteti i lartë në bisedimet me presidentin Ivanov dhe kryeministrin Gruevski, të cilët kanë shprehur dëshirë të madhe që kjo çështje të zgjidhet. Mediatori Nimic tha se që nga fillimi i bisedimeve 15 vjet më parë, kontesti asnjëherë nuk ka qenë më afër zgjidhjes.
"Kisha takime shumë produktive dhe ndjehem shumë më konfidente se në të kaluarën, që na lejon të mendojmë se ndoshta mund të kemi një lloj zgjidhjeje këtu", Metju Nimic, Ndërmjetës i OKB-së për emrin.
Ndërrmjetësi Nimic tha se temë e bisedimeve ka qenë propopzimi i fundit i tij, Maqedonia e Veriut, por me disa ndryshime të propzuara nga dy palët. Nimic tha se ajo që u ofron dy qeverive është pako e plotë, të cilën duhet ta pranojnë të kompletuar. Nimic tha se nuk ndjen presion kohor, pasi sipas tij, bëhet fjalë për një problem kompleks, i cili kërkon zgjidhje që do të jetë e përjetshme.
"Kisha shumë mendime dhe sygjerime nga të dyja palët, kështu që bëmë disa përmirësime, disa ndryshime pra në prpozimin tim të Tetorit dhe nga Qeveria këtu kërkovë që ta konsideroj këtë si pako të tërë, së bashku me ndryshimet dhe kjo është ajo për të cilën kemi biseduar në detaje, dhe ata duhet ta analizojnë mirë….të njejtën do ta bëj edhe në Athinë dhe pastaj do të shihim se deri ku jemi", theksoi ndërmjetësi Metju Nimic.
Nimic përsëriti se nuk bisedohet për identitetin e popullit maqedonas dhe as për gjuhën e tyre. Askush nuk mund të cënoj identitetin tuaj, tha Nimic duke bindur se këtë çështje asnjëherë nuk e ka kërkuar as pala greke. Nimic pakon e propozimin e plotësuar të Tetorit, do t 'ia prezantoj edhe ministreshës së Jashtme greke, Dora Bakojani. Vizita e mendiatorit Nimic, zhvillohet vetëm dy javë pas takimit që u zhvillua më 22 Qershor në Gjenevë, të Zvicrës. (alsat)
Shtuar më 07/07/2009, ora 22:15
Tage: arkiv

Shkruani komentin tuaj!
Të fundit nga kjo kategori