Autobusi i “Green Line” mori para disa automjete në Tiranë, reagon policia: Ka 3 të plagosur

Policia ka reaguar në lidhje me aksidentin që ndodhi sot në Tiranë, në të cili u përfshinë një autobus i transportit publik dhe disa automjete.

Si pasojë e aksidentit kanë mbetur 3 persona tëplagosur, të cilët janë nën kujdesin e mjekëve.

Autobusët e flotës “Green Line”, të cilët kryejnë transportin e qytetarëve të Tiranës përgjatë Unazës së Vogël, u prezantuan një vit më parë dhe kanë shkaktuar jo pak probleme në qytet.

Sipas ekstrakteve në QKB, kjo kompani është regjistruar në emër të “CFO Farma” e cila është në pronësi të biznesmenit Nadir Çausholli.

Njoftimi i policisë:

Më datë 27.02.2023, rreth orës 11:35, në vendin e quajtur Ura e Tajvanit, një autobus i linjës së Unazës është përplasur me disa automjete.

Si pasojë janë dëmtuar 3 shtetas të cilët ndodhen nën kujdesin e mjekëve.

Në vendngjarje ndodhen shërbimet e ambulancës me stafin mjekësor dhe shërbimet e Policisë.


Shtuar 27.02.2023 12:03