Nga sot nis aplikimi për Lotarinë Amerikane
Për të gjithë qytetarët shqiptarë të cilët kanë dëshirë të emigrojnë në SHBA, nga sot nis aplikimi për Lotarinë Amerikane.

“Regjistrimi elektronik për lotarinë DV-2016 nis të mërkurën, më 1 tetor 2014 në orën 12:00 mesditë, Ora Ditore Lindore (EDT) (GMT-4) dhe do të mbyllet të hënën, më 3 nëntor 2014, në orën 12:00 Ora Standarte Lindore (EST)(GMT-5)”, bën me dije Ambasada Amerikane.

Aplikantët që janë përzgjedhur nga programi i Lotarisë, duhet të plotësojnë kërkesa të thjeshta, por të rrepta të pranueshmërisë, në mënyrë që të kualifikohen për një vizë shumëllojshmërie.

Një kompjuter përzgjedh rastësisht aplikantët për vizën e lotarisë. Vizat e lotarisë shpërndahen ndërmjet gjashtë rajoneve gjeografike dhe asnjë vend i veçantë nuk mund të përfitojë më shumë se 7% të Lotarive (DV-ve) të disponueshme për çdo vit.

Për Lotarinë DV-2016, vendasit e shteteve të mëposhtme nuk janë të ligjshëm për të aplikuar, pasi këto shtete kanë dërguar në total më shumë se 50,000 emigrantë në SHBA në pesë vitet e shkuara: Bangladesh, Brazil, Kanada, Kinë (të lindurit në kontinent), Kolumbi, Republika Domenikane, Ekuador, San Salvador, Haiti, India, Xhamaika, Meksikë, Nigeri, Pakistan, Peru, Filipine, Koreja e Jugut, Mbretëria e Bashkuar (me përjashtim të Irlandës së Veriut) territoret e varura prej saj dhe Vietnam.

Personat e lindur në Hong Kong SAR, Makau SAR dhe Taivan janë të ligjshëm”, theksohet më tej në udhëzimin e ambasadës. /albeu.com/
Shtuar më 01/10/2014, ora 09:41
Shkruani komentin tuaj!
Të fundit nga kjo kategori