Nesër kanë të drejtë të dalin, policia bën njoftimin e rëndësishëm për pensionistët
Ditën e sotme, Kryeministri Edi Rama njoftoi se pensionistët mund të dalin ditën e shtunë deri në orën 11:00.

Lidhur me këtë vendim, policia ka njoftuar se do të mirëpresin e asistojnë pensionistët, për të respektuar distancimin social.

Policia e Shtetit kërkon mirëkuptimin e pensionistëve që të mos ulen në grupe nëpër parqe apo lulishte, të mos jenë më shumë se dy persona bashkë dhe pas orës 11:00, duhet të kthehen në banesë. Shërbimet e Policisë do të jenë pranë tyre për çdo rast nevoje që ata mund të kenë.

Ndërkohë, në të gjithë vendin do të vijojnë kontrollet e pandërprera kryesisht në qendrat urbane, për respektimin e karantinës. Do të lejohen të qarkullojnë me makinë, të pajisur me autorizim apo në këmbë, në itinerarin shtëpi - punë - shtëpi, pa asnjë ndalesë të gjithë personat që kanë autorizim për të punuar gjatë fundjavës.

Të gjithë të tjerët duhet të respektojnë masat kufizuese për të mos dalë nga banesa deri në orën 05:00 të ditës së hënë, duke përjashtuar lëvizjet për emergjencat mjekësore
Shtuar më 17/04/2020, ora 18:19

Shkruani komentin tuaj!
Të fundit nga kjo kategori