Nesër dalin faktet që përmbysin politikën shqiptare: Paralajmërimi i fortë i Top Channel
Pëlqej
U duk sikur u harrua por vëmendja është kthyer sërish tek ish-ministri i Brendshëm Saimir Tahiri, i cili dyshohet si mbështetës i trafikut ndërkombëtar të narkotikëve.

Top Channel paralajmëron nxjerrjen e fakteve të reja gjatë ditës së nesërme nga dosja e hetimit të Habilajve ku përfshihet edhe Tahiri.

Lajmi i Top Channel:

Gjatë kësaj kohe, Top Channel ka ndjekur më kujdes zhvillimet e kësaj çështje, duke sjellë në vëmendje daljen e fundit jashtë shtetit të ish-ministrit Tahiri dhe rrëzimin e pretendimeve se udhëtimi kishte të bënte me arsye familjare.

Gjatë kësaj ne kohe, si gazetarë, kemi zhvilluar hetimet tona, në një pistë që hedh më shumë dritë, të paktën për publikun e gjerë, për çështjen në fjalë.

Hulumtimet tona si gazetarë na kanë çuar sërish në Itali, në Katania, andej nga ka ardhur edhe dosja e plotë e çështjes Tahiri-Habilaj.

Kujtojmë që dosja Habilaj-Tahiri, që Top Channel publikoi i pari dhe ekskluzivisht, përmban 416 faqe. Kurse dosja e plotë që ka ardhur me letër-porosi nga Italia është 1800 faqe.

Pra, ajo që është bërë publike nga kjo dosje, është vetëm maja e ajsbergut e një historie që mund të trondisë ekuilibrat e politikës shqiptare.

Top Channel do të publikojë nesër vazhdimin e hulumtimit të vet për këtë çështje, i udhëhequr vetëm nga një shqetësim: ai i së vërtetës dhe interesit publik.
Shtuar më 12/12/2017, ora 15:45

Shkruani komentin tuaj!
Të fundit nga kjo kategori