Atentati ndaj një biznesmeni me mbiemrin Ceka sot në Tiranë dhe aludimet nga mediat se është nipi i politikanit Neritan Ceka, ka shkaktuar reagimin e këtij të fundit.

“Lajmi i hapur në disa media se Armando Ceka është nipi im, nuk është i vërtetë. Nuk e njoh biznesmenin që iu vu sot eksploziv, dhe nuk kemi as lidhje farefisnore me të” është shprehur Ceka

Reagimi bëhet pas ngjarjes që tronditi sot paradite zonën në rrugën ‘Pjetër Budi” në Tiranë. Një shpërthim i fuqishëm rreth orës 10:00 në lokalin e Cekës në rrugën “Budi”, pranë Institutit të Higjienës në kryeqytet shkaktoi 3 të plagosur, 2 rëndë për jetën.

Si pasojë e shpërthimit të fuqishëm janë plagosur rëndë biznesmeni Armando Ceka, truproja e tij Artur Sharra dhe juristi Julian Çela.