Në Shqipëri ka 55 miliarderë. Kështu thuhet në raportin vjetor të publikuar nga organizata globale e vlerësimit dhe hetimit të pasurisë, Uealth-X e cila bashkëpunon me banka private, institute arsimore, organizata jo -qeveritare dhe kompani luksoze.

Në këtë raport Shqipëria zë vendin e 37 në kontinent, përsa i përket numrit të multi –milionerëve. 55 të pasurit e vendit tonë zotërojnë në total rreth 7 miliardë dollarë, pasuri të deklaruar. Ky klasifikim është lexuar si paradoks në media të ndryshme, për faktin se Shqipëria është një vend i vogël, ndër më të varfrit dhe me të ardhurat më të vogla për frymë. E megjithatë ajo ka më shumë të pasur se Sllovakia, Qiproja, Bullgaria, Estonia, Maqedonia apo Mali i Zi.

Mediat nënvizojnë edhe faktin se disa nga 55 më të pasurit e Shqipërise janë në politikë dhe kryesisht politikanë të majtë. Në këtë raport thuhet se në Europë numërohen 53.441 multi-milionerë. /albeu.com/