Në një mendje me Ramën për detin, Basha- ministrit grek: Të hiqet ligji i luftës!
Ministri i Jashtëm i Greqisë, Nikos Dendias kishte rezervuar një takim edhe me kryetarin e Partisë Demokratike, Lulzim Basha.

"Riktheksova qëndrimin e shprehur prej 10 vitesh, se zgjidhja për çështjen e detit duhet të vijë përmes Gjykatës Ndërkombëtare..."

Basha i ka bërë me dije ministrit grek domosdoshmërinë e abrogimit të ligjit të luftës.

Reagimi i plotë:

Gjatë bisedës, nënvizuam domosdoshmërinë që në frymën e mirëkuptimit dhe respektit reciprok, të zgjidhim çështjet e mbetura pezull dhe të intensifikojmë bashkëpunimin dypalësh në të gjitha fushat, përfshirë edhe lehtësitë për shqiptarët që jetojnë e punojnë në Greqi.

Riktheksova qëndrimin e shprehur prej 10 vitesh, se zgjidhja për çështjen e detit duhet të vijë përmes Gjykatës Ndërkombëtare dhe i përsërita ministrit Dendias domosdoshmërinë për abrogimin e ligjit të luftës.

Në emër të Partisë Demokratike dhe opozitës shqiptare e falenderova atë për mbështetjen e çmuar që Greqia po i jep vendit tonë në procesin historik të integrimit europian.
Shtuar më 20/10/2020, ora 18:15

Shkruani komentin tuaj!
Të fundit nga kjo kategori