Në gjendje kritike, makina përplas oficerin e policisë
Një oficer i Policisë Kufitare të Kakavijës është aksidentuar.

Ngjarja ka ndodhur ditën e sotme dhe bëhet me dije se oficeri Shkëlqim Lila është përplasur nga një makinë në vendin e quajtur ura e Kakavijës.

Si pasojë e aksidentit, oficeri është në gjendje kritike për jetën prej plagëve të shumta.

Aksidenti ndodhi pas orës 5:30 të së mëngjesit të sotëm, kur Lila sapo kishte mbaruar shërbimin dhe po kthehej në shtëpi.

Mjeti e ka përplasur në vijën e gjelbër të kufirit, në urën e fshatit Kakavijë . Mësohet se makina drejtohej nga Arian Kushe.

Nuk dihen rrethanat e aksidentit, policia ka nisur hetimet. /albeu.com/

Shtuar më 26/08/2018, ora 09:52

Shkruani komentin tuaj!
Të fundit nga kjo kategori