Ndërpritet për herë të 3-të seanca, Noka futet me forcë në Kuvend (VIDEO)

VRA by albeu
Seanca e sotme plenare në Kuvend është ndërprerë për herë të tretë pasi deputeti i PD Flamur Noka u fut me forcë në Kuvend pas përjashtimit nga kryetarja e seances.

Nënkryetarja e Kuvendit kërkoi largimin nga séanca të deputetit opozitar Flamur Noka pasi ai goditi me letrën e votimit deputetin socialist Erjon Braçe.

Maxhoranca dhe drejtuesja e seancës kanë kërkuar përjashtimin e Nokës, por ai nuk ka pranuar një gjë të tillë.

Nga ana tjetër opozita ka kërkuar përjashtimin e Erjon Braçes me pretendimin se ishte ai që nisi sherrin në Kuvend.

Ndërkohë që pas pushimit të seancës ka folur vetë deputeti socialist Braçe, ku ka paralajmëruar kallëzim penal për deputetin demokrat.

Braçe gjatë fjalës së tij tha se ndaj tij ditën e sotme është ushtruar dhunë dhe kjo përbën një vepër penale, ndaj ai do të bëjë kallëzim penal për Flamur Nokën për akuzën “Dhunë të ushtruar për shkak të detyrës”.

Sipas Braçes ky është një skenar i PD i organizuar për shkak të protestës së 18 shkurtit./albeu.com/


Shtuar më 16/02/2017, ora 15:55
Shkruani komentin tuaj!
Të fundit nga kjo kategori