Ristani pas ndërprerjes se mbledhjes së Komisionit: Balla mban erë, na vë në siklet
Nënkryetari i Komisionit Hetimor për CEZ, Arben Ristani ka thënë pas ndërprerjes së Komisionit Hetimor për CEZ se kryetari i tij, Taulant Balla mban erë dhe i vendos kolegët në siklet.

“Balla na vendos të gjithëve në siklet, duhet të vinte i larë, mban erë, nuk na krijon kushte për të vijuar komisionin…”, tha ai pas Komisionit kur u pyet nga gazetarët.

Ristani tha gjithashtu se ajo që po ndodh në komision është një kamuflim dhe tymnajë mbi komisionin hetimor të ngritur nga opozita.

“Ne nuk jemi aty për të mbrojtur askënd, por jemi për të hetuar. Ky komision është i dështuar që në nisje sepse është një komisioni i nisur për të kamufluar dhe për të bërë tymnajë mbi komisionin që kërkoi opozita që ka të bëjë me vjedhjen e shekullit që Rama dhe banda e tij i kanë bërë 600 mln eurve që i kanë marrë bashkë me CEZ dhe ne nisëm një komision për të hetuar këtë vjedhje të madhe dhe për ta kamufluar këtë veprim u nis ky komision i dytë që ska ndërmend të hetojë por të krijojë situata të pavërteta”, shtoi më tej zoti Ristani. /albeu.com/
Shtuar më 06/02/2017, ora 20:02

Shkruani komentin tuaj!
Të fundit nga kjo kategori