Ndoka tallet me Ramën: E falenderojmë që i doli gjumi pas 15 orëve për Haradinajn
Nard Ndoka ka ironizuar me mesazhin shumë të vonuar të kryeministrit Rama, për arrestimin në Francë të kreut të AAK, Ramush Haradinajt. Duke shkruar se Haradinaj do të pritet si hero në Kosovë pas lirimit, Ndoka thote se Ramës iu deshën 15 orë për ti dalë gjumi.

"Mikut tim dhe luftëtarit trim të Kosovës, Ramush Haradinaj, dje i ka dalë një pengesë nga ato të cilat ai i kalon me mundin më të vogël.

Fantazmat e kohës së Milloshevicit, ata që besojnë ende te Jugosllavia dhe pushtimi i Kosovës kanë riaktivizuar një fletë arresti për Ramushin, me akuza të cilat Gjykata e Hagës i ka rrëzuar më parë.

Ramushi nuk e ka problem një ditë më shumë në burg, ai ka kaluar shumë situata të ngjashme.

Por, e përbashkëta e gjithë këtyre rasteve, është se Ramushi kur kthehet në Prishtinë, pritet si hero i vërtetë dhe si luftëtari i UCK-së që ishte gati të jepte edhe jetën për Kosovën.

Për ta mbyllur, një falenderim për zotin Edi (Rama), që iu deshën 15 orë për ti dalë gjumi dhe për të bërë një deklaratë pro Ramushit. Shpresoj që të mos ketë pasur frikë se presidenti francez Fransua Holande do të anulojë vizitën në mars në Tiranë, pas deklaratës së zotit Edi". /albeu.com/

Shtuar më 05/01/2017, ora 15:13

Shkruani komentin tuaj!
Të fundit nga kjo kategori