Miratohet ndarja e mandateve, deputetët zgjidhen sipas formulës së vitit 2009
Kuvendi i Shqipërisë
Update- Me votat e maxhorances kuvendi ka miratuar ndarjen e mandateve te deputeteve per zgjedhjet e 23 qershorit sipas formulës së vitit 2009. Ndarja eshte miratuar pas debateve te gjata mes paleve me 72 vota pro, 63 kundër dhe 1 abstenim.


13:42- Diskutimi mbi cështjen e ndarjes së mandateve të deputetëve për zgjedhjet parlamentare të 23 qershorit është shoqëruar me debate në Kuvend. Përfaqësuesit e maxhorancës kanë kërkuar që ndarja e mandateve të bëhet nga Kuvendi, sipas vitit 2009, ndërkohë që socialistët pretendojnë se Kuvendi nuk mund të marrë kompetencat e KQZ-së.



“KQZ ezauroi plotësisht rrugën administrative për të vendosur për çështjen e ndarjes së mandateve. Ai nuk mundi të miratojë vendim për këtë çështje, pasi nuk u arrit numri i kërkuar i votave pro. Njollosja e procesit që në fillim nga anëtarët e propozuar nga opozita, që në vend të zbatimit të ligjit, bënë zbatimin e urdhërit si militantë politik. Kuvendi ka kompetencë të plotë të miratojë ndarjen e mandateve të deputetëve, është detyrim i vendosur në Kodin Zgjedhor. Kuvendi nuk mund të lejojë futjen e procesit zgjedhor në kolaps” tha relatori i çështjes, Edi Paloka duke lexuar para deputetëve relacionin.

Ndërsa deputeti i PS-së, Damian Gjiknuri ka akuzuar maxhorancën për diktat politik dhe ndarje të mandateve në shkeje të plotë të ligjit.


“Tentativa për të ndarë në mënyrë të dhunshme mandatet është një krim i dyfishtë. Kuvendi do të uzurpojë në mënyrë të paligjshme pushtetin, duke ndarë mandatet në kundërshtim me të drejtën e votës”, tha Gjiknuri ndërsa shtoi se “Po krijohen mutacione juridike, pasi kërkohet me çdo kusht kërkohet ndarja e njëanshme e mandateve. /albeu.com/
Shtuar më 31/01/2013, ora 14:12

Shkruani komentin tuaj!
Të fundit nga kjo kategori