Ibrahimovic gati të rikthehet në fushë dhe të thyejë një tjetër rekord

Zlatan Ibrahimovic është shumë afër rikthimit në fushë, pas një mungese të gjatë për arsye fizike. Gjigant suedez ishte në stolin e Milanit në dy ndeshjet e fundit dhe synimi i radhës i sulmuesit veteran është të thyejë një rekord të Serisë A.

Suedezi po pret me padurim të bëhet golashënuesi më i vjetër në historinë e kampionatit italian.

Sipas “Gazzetta dello Sport”, ish-mbrojtësi legjendar i Milanit, Alessandro Costacurta, është mbajtësi i këtij rekordi: ai shënoi kur ishte 40 vjeç, tre muaj e gjashtë ditë. Sulmuesi suedez është 41 vjeç e 146 ditë.

Ibrahimovic po i rikthehet futbollit pas një dëmtimi të rëndë në gju të pësuar në maj të vitit të kaluar.


Shtuar 23.02.2023 19:24