Në Kumanovë u shënuan demostrata e vitit 1988
Albeu.com
Në Kumanovë u shënua 20 vjetorin i demonstratave të vitit 1988, në të cilat shqiptarët në mënyrë masive protestuan kundër sistemit komunist dhe kërkonin më shumë të drejta.Profesori Destan Ajdini thotë se demonstrata e 29 Gushtit në Kumanovë ishte një zë i fuqishëm i popullit tonë të kësaj ane kundër politikës dhe masave nacional-shoveniste, antishqiptare të qeverisë së Beogradit dhe të Shkupit. "Pozita e popullit tonë në ish-Jugosllavi ishte pozitë robi, edhe pse në kushtetutat e asaj kohe gjendej shprehja, i barabartë, të barabartë, barazi", theksoi Ajdini.

demostratat e Kumanovës kishin nxitur emigracionin shqiptar në Perendim të dalin në mbështetje të kërkesave të bashkëkombasve të vet. Profesori Avni Dehari përkujton emonstratën e 26 tetorit të vitit 1988, që u organizua në Cyrih të Zvicrës. "Mijra mërgimtarë që morrën pjesë nga Zvicra, Gjermania, Austria, Suedia, SHBA e të tjera duke marrshuar nëpër qytetin e Cyrihut arritën deri para konzullatës sllave që gjendej në këtë qytet, aty demonstruesit brohoritën parrulla në mbështetje të kërkesave për të drejt të popullit tonë për liri", shprehet Dehari.

Në demonstratat e gushtit të vitit 1988 në Kumanovë u shpreh revolta kundër shkeljes së të drejtave të shqiptarëve por manifestimi i revoltës u shua me forcë nga ana e policisë.
Shkëlzen Aqifi, alsat
Shtuar më 30/08/2008, ora 22:21
Tage: arkiv
Shkruani komentin tuaj!
Të fundit nga kjo kategori