Mziu në gjykatë: Bashkia s’ka harxhuar asnjë lekë për rrugën Valias-Laknas
Pëlqej
Kreu i Bashkisë së Kamzës Xhelal Mziu ka hedhur sot poshtë akuzat për shpërdorim detyre në lidhje me punimet ne rrugën Valias-Laknas. Duke folur në seancën gjyqësore, ai u shpreh se bashkia që ai drejton nuk ka harxhuar asnjë lekë për këtë rrugë dhe se ende nuk është bërë asnjë prokurim për aksin Valias-Laknas.

“Kemi vepruar drejt për moslidhjen e kontratës. Kompania duhet të ndërtonte rrugën Valias-Laknas, e cila vazhdon të jetë e paprokuruar. Bashkia nuk ka harxhuar asnjë lek për këtë rrugë. Kompania që na kallëzon s’ka paraqitur dokumente”-deklaroi nga salla e gjyqit Mziu.

Mziu dhe dy zyrtarët e bashkisë Bujar Loshi dhe Altis Hoti akuzohen për shpërdorim detyre dhe abuzim me tenderat. /albeu.com/
Shtuar më 19/09/2014, ora 12:35
Shkruani komentin tuaj!
Të fundit nga kjo kategori