Muharem Rama: Rinia pjesë e programit tonë për Bashkinë
Në ambientet e Qendrës së Edukimit dhe Kulturës, kandidati i së majtës për Bashkinë e Dibrës, Muharem Rama, zhvilloi sot një takim me të rinjtë e qytetit të Peshkopisë.

“Kërkojmë nga ju që të votoni të lirë, të votoni me dinjitet, të votoni në mënyrë demokratike. Nuk duhet të bini pre e asnjë provokimi nga kampi kundërshtar sepse ata po e ndjejnë humbjen e thellë dhe nuk duhet të bini pre e provokimeve. Takohuni me njerëz, me miq, me shokë e dashamirës që të marrin pjesë masivisht në votime”, u shpreh kandidati Rama.

Ai tha se rinia ka mendime të vyera për zhvillimin e Bashkisë, zhvillimin e eknomisë dhe zhvillimin e Dibrës.

“Pas fitores së bashkisë do të ulemi e të bisedojmë për problemet dhe hallet e Dibrës.

Ju jepni mendime tepër të vyera për zhvillimin e Dibrës. Kërkoj nga ju mbështetje dhe bashkim që kësaj radhe ta fitojmë këtë bashki që ta bëjmë një bashki me standarde evropiane”, nënvizoi Rama.

Kandidati i së majtës tha se rinia dibrane do të bëjë zgjedhjet e duhura për të realizuar një fitore të thellë. /albeu.com/
Shtuar më 22/08/2016, ora 14:35

Shkruani komentin tuaj!
Të fundit nga kjo kategori