Shefja e departamentit të sëmundjeve infektive pranë ISHP-së, Silva Bino ka treguar eksperiencën e saj brenda spitaleve COVID në Shqipëri.

Ajo tregoi në Open në Top Channel se frikën më të madhe e kishte për fazën e intubimit, duke u shprehur se e kishte frikë.

"Kam qënë pacientë vetë, prej 2 javësh. Kam eksperiencën time personale atje. Është e vështirë dhe kërkon qëndrueshmëri. E kam tjënë që në fillim që kërkohet rezistencë që i tejkalon fuqitë tona.

Kam eksperiencën time që vërteton atë që tha Krenari. Pavionet nuk janë vetëm me të shtruar normalë, por edhe teapi intensive. Mjekët lajnë, u prisnin thonjtë të sëmurëve. Të sëmurët nuk mbusheshin dot me frymë. Edhe unë kisha momente të tilla.

I falenderoj që të gjithë. A kam pasur momente paniku? Jam e qëndrueshme. I vetmi panik ishte që mos të futesha në intubim. Nga intubimi nuk kthehesh më. Nuk është e lehtë, dhe nuk e doja. E vetmja gjë që kisha frikë. Por nuk kisha nevojë për fat të mirë", ka thënë Bino.