Motrat gjejnë portofolin plot me para në Sarandë, gjejnë pronarin dhe ia kthejnë
Nje rast tjetër qytetarie dhe fisnikërie është shënuar ditën e djeshme në qytetin e Sarandës.

Dy motrat Mimoza dhe Margarita Xharo kanë gjetur portofolin e një pushuesi pranë portit të Sarandës.

Pavarësisht se në portofol gjendej një shumë e konsiderueshme të hollash, ato nuk e menduan dy herë, por e dorëzuan menjëherë në Komisariatin e Policisë Kufitare, të cilët kanë kontaktuar me personin i cili kishte humbur portofolin, në të cilin përvec parave gjendeshin edhe të gjitha dokumentat e tyre.

Pavarësisht se personi e mori portofolin, ai është në kërkim të dy zonjave për të shprehur falenderimin dhe mirënjohjen e tij për këtë rast, pasi humbja e dokumentave do t’i shkaktonte një stres dhe humbje të madhe kohe deri në përtëritjen e tyre, rast ky që njëherësh tregon qytetarinë dhe fisnikërinë e banorëve të Sarandës. /Sarandaweb/
Shtuar më 15/08/2019, ora 16:43
Shkruani komentin tuaj!
Të fundit nga kjo kategori