Motra e Nazime Vishës, sot para hetuesve
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Lutfie Visha-Muça do të vihet sot përballë hetuesve për të rrëfyer gjithçka di për historinë e së motrës, Nazimes, me të kunatin e saj Fiqiri Muça, i cili mbeti viktimë e plumbave të kallashnikovit të 18-vjeçares.

Lutfija, e cila është e martuar me vëllain e Fiqiri Muçës, të cilin Nazime Visha pretendon se e ekzekutoi pasi e kishte përdhunuar për katër vite me radhë, jeton në fshatin Ketë të Burrelit dhe hetuesit do të udhëtojnë jo pak orë për ta pasur në duar dëshminë e saj. Gruaja nuk mund të udhëtojë drejt Tiranës, pasi ndodhet në muajin e tetë të shtatzënisë dhe është në pamundësi për t'u paraqitur për të dhënë dëshminë e saj, ndaj hetuesit, do ta pyesin në shtëpinë e saj në fshatin Ketë, ku ndodhet së bashku me të shoqin, Vladimirin.

Lutfie Visha-Muça së bashku me të shoqin, që kur ishin vënë në dijeni të lidhjes së Nazimes me Fiqiriun kishin ndërprerë marrëdhëniet me ta. Lutfia do të rrëfehet për gjithçka di për marrëdhënien e motrës së saj, Nazimes, me Fiqiri Muçën. Babai i pesë fëmijëve, u ekzekutua një javë më parë në fshatin Krrabë, para shtëpisë së xhaxhait të Nazime Vishës, ku kishte shkuar për ta marrë vajzën prej andej, për shkak se kishte pasur një lidhje të gjatë me të. 18-vjeçarja, e priti me plumba kallashnikovi duke i marrë jetën.

Që në kreu të herës, Nazimja tha se e vrau Fiqiriun për shkak se e kishte përdhunuar dhe abuzuar seksualisht për vite me radhë, më pas e kishte rrëmbyer, e ndarë nga i fejuari. Prokuroria ka ende shumë pikëpyetje lidhur me motivet e ngjarjes, ndaj po heton në shumë drejtime për të zgjidhur çështjen që konsiderohet si mjaft komplekse, në një kohë që gjykata ka caktuar masën e sigurisë "arrest me burg" për 30 ditë për Nazime Vishën, e cila këmbëngul se është autore e vrasjes së 45-vjeçarit. /albeu.com/
Shtuar më 27/08/2012, ora 10:23
Shkruani komentin tuaj!
Të fundit nga kjo kategori
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com