Begaj udhëton sot për në Kroaci, vizitë shtetërore treditore

Presidenti i Republikës së Shqipërisë, Bajram Begaj , ka nisur sot vizitën shtetërore në Kroaci, me ftesë të homologut Zoran Milanoviç.

Begaj do të mirëpritet të të enjten sipas ceremonive të nderit dhe mirëseardhjes për të vijuar agjendën zyrtare të bisedimeve me Kroacinë si dy partnerë strategjikë.

Bisedimet do të kenë fokus marrëdhëniet dypalëshe, bashkëpunimi rajonal, rrugëtimi evropian i Shqipërisë, si dhe zhvillimet e tjera me ndikim në çështjet e paqes dhe sigurisë.

Begaj do të pritet dhe nga Kryeministri i Kroacisë, Andrej Plenkoviç, si dhe Kryetari i Parlamentit të Kroacisë, Gordan Jandrakoviç. Gjatë qëndrimit në Kroaci, kreu i shtetit do të zhvillojë edhe një takim me përfaqësues të shoqatave shqiptare. Vizita do të mbyllet ditën e premte./albeu.com/ 


Shtuar 26.04.2023 12:58