Monsinjor Frendo: Nuk është vetëflijim, por vetëvrasje
Monsinjor George Frendo ka folur në "News 24" për ngjarjen horror ku nënë e bijë humbën jetën duke besuar tek ringjallja, teksa ai e sheh këtë veprim si vetëvrasje.

Ndërsa u ndal tek tekstet e gjetura në shtëpinë e familjes Josifi, një pjesë e të cilëve të shkëputur nga Bibla, Monsinjor Frendo u shpreh se sektet i shkëpusin tekstet dhe i nxjerrin jashtë kontekstit.

Sipas tij, jeta është një dhuratë e Zotit që duhet ruajtur dhe se në asnjë mënyrë besimi i krishterë, apo ai mysliman, nuk nxisin vetëvrasjen.

“Në asnjë mënyrë besimi krishterë, apo mysliman, nuk nxisin vetëvrasje në emër të besimit. Vetëvrasja është diçka e keqe. Edhe fakti që njëra nga viktimat kishte qenë e vdekur për 15 muaj është diçka e paimagjinueshme, kjo tregon fanatizmin e tyre, të bindura që ajo do të ringjallej.

Janë dy të vërteta të ndryshme. Njëra që është për jetën pas vdekjes, që ne besojmë se fillon një jetë e re. Jeta pas vdekjes fillon menjëherë pas vdekjes. Ne besojmë në ringjalljen në ditën e fundit të botës. Është mirë të dallojmë kishën nga sektet. Sektet kanë lindur me reagim kundër besimit origjinal.

Sekti Dëshmitarët e Jehovait ka lindur në vitin 1870 dhe ka lindur nga dikush që e shpallte mbarimin e botës shumë afër dhe në këtë bindje e kishte që ngjallja do të bëhet së shpejti dhe këto dy viktima kanë bërë këtë agjërim, duke shpresuar që do të ringjallen. Jeta është dhuratë e Zotit dhe duhet të ruhet dhe ndaj vetëvrasja nuk është e lejueshme. Duhen dalluar edhe tekstet nga Bibla dhe sektet,. Sektet marrin një tekst jashtë kontekstit dhe marrin një tekst duke injoruar shumë të tjera, ky është gabimi i këtyre sekteve duk i interpretuar sipas bindjeve të tyre.

Sektet kanë një mënyrë se si tërheqin vëmendjen e këtyre njerëzve menjëherë doktrinën tënde, pro të vënë në dyshim doktrinë tënde, e më pas të tregojnë atë që ata thonë se është e vërteta”, tha Monsinjor George Frendo .
Shtuar më 08/07/2020, ora 14:27

Shkruani komentin tuaj!
Të fundit nga kjo kategori