Mlladici, çoban në rrethinën e Kumanovës
Albeu.com
nga Anila LIMANIShkrimet e botuara në “Lajm” se i ish-lideri ushtarak i serbëve të Bosnjës, i dyshuari për krime lufte Ratko Mlladiq, fshihet në Maqedoni në rajonin mes Likovës dhe KumanovësShkrimet e botuara në “Lajm” se i ish-lideri ushtarak i serbëve të Bosnjës, i dyshuari për krime lufte Ratko Mlladiq, fshihet në Maqedoni në rajonin mes Likovës dhe Kumanovës, më saktësisht në fshatrat Umin Doll dhe Lubodrag të Kumanovës, i vërteton edhe gazeta austriake "Kronen Zeitung”. Gazeta duke u thirrur në deklaratën e një serbi nga Vjena, që ka kërkuar të mbetet anonim, shkruan se Mlladiq fshihet në kufirin drejt Maqedonisë, në male, ku kullot dele dhe është në gjendje të rëndë shëndetësore. “Mlladiq fshihet në një bunker të vjetër të Titos, në kufirin drejt Maqedonisë, ku e ruajnë rreth 200 ushtarë të armatosur. Ai aty ruan 150 dele”, ka deklaruar serbi 43-vjeçar për “Kronen Zeitung”.
Sipas njoftimeve të burimit të njëjtë, ish-komandanti i forcave të serbëve të Bosnjës është shumë i sëmurë dhe i ka ngelur edhe pak jetë. Gazeta prestigjioze austriake shkruan se serbi anonim, i cili jeton në Vjenë, gjoja ka qenë truprojë e Mlladiqit. Ai nuk ka dashur hollësisht të flasë për vendin ku fshihet Mlladiqi, për shkak se ka dashur të fitojë para për këtë informacion, për të cilën SHBA-ja që moti kanë lajmëruar se janë të gatshme të paguajë pesë milionë dollarë. Serbi, shton gazeta, gjoja është takuar me përfaqësues të Tribunalit të Hagës në një hotel në Vjenë, por takimi nuk ka qenë i suksesshëm. “Dëshiroja të holla para se ta zbulojë strehimoren sekrete”, ka deklaruar ai.
Mlladiq një pjesë të karrierës së tij e ka kaluar në kazermën e Kumanovës, si ushtarak i lartë i JNA-së (Armatës Jugosllave). Sipas burimeve të “Lajmit”, fshatrat Umindoll dhe Lubidrag, të Kumanovës, të cilat janë të banuara vetëm me popullatë serbe, si dhe fshatrat e Komunës së Nagoriçit gjithnjë kanë qenë strehë e kriminelit Mlladiq, sepse ky i fundit duke qenë një periudhë të gjatë si eprorë në këtë anë, ka miq dhe njeh terrenin e këtushëm. Ndërkaq, sipas medieve, gjatë 13 viteve që Mlladiq kërkohet nga Tribunali, ai është parë dy herë në Dojran, por nuk përjashtohet edhe mundësia që të ketë pushuar edhe në Ohër, pasi në rrethinat e këtij qyteti jeton baxhanaku i tij. (lajm)
Shtuar më 07/08/2008, ora 03:00
Tage: arkiv
Shkruani komentin tuaj!
Të fundit nga kjo kategori