Partia Socialiste ka fituar thellë në Kamëz, me Rakip Sulin që ka marrë 60.36 përqind të votave, ndërkohë që kandidati i “BF” ka marrë vetëm 35.32 % të votave. Kandidati i PD Bilbil Bajraktari ka marrë vetëm 4.3%.
Edhe në Vorë socialistët kanë fituar. Janë numëruar 44 nga 44 kuti dhe Blerim Shera ka marrë 73.5 %të votave ndërsa Indrit Hoxha vetëm 26.5 përqind.
Në Bashkinë Tiranë nga 941 qendra votimi në total, deri më tani janë numëruar 799 prej tyre. Kandidati i PS, Erion Veliaj po shkon drejt me 54.22% të votave. Sakaq, kandidati i koalicionit “BF”, Belind Këlliçi ndjek në vendin e dytë me 35.01%. Më tej kandidatët e partive të tjera, më konkretisht Arlind Qori i Lëvizjes Bashkë ka marrë deri tani 4.80% të votave. Roland Bejko i PD-së me 4.28%. Nga ana tjetër Lajla Përnaska e PDIU me 0.73 %, ndërsa Marko Dajti i Frontit të Majtë ka 0.95%.
Në Bashkinë Kavajë janë numëruar 56 kuti nga 92 që ka. Fisnik Qosja i ‘Bashkë Fitojmë’ merr 50.52 % përballë 49.48% të Redjan Kralit të PS.
Në Bashkinë Rrogozhinë janë numëruar 55 nga 55 bashki dhe kryeson me 50.11 % të votave kandidati socialist, Edison Memolla. Kandidati i BF Shkëlqim Hoxha merr 49.89%.
/Albeu.com.