Krijohet partia MEGA, e vetëdeklaruar si përfaqësuese e minoritetit grek në Shqipëri. Thoma Miço, ish-nënkryetar i Bashkimit për të Drejtat e Njeriut, prezantoi partinë e re duke thënë se forca politike e drejtuar nga Vangjel Dule “e ka mbyllur ciklin e saj politik".

"Mega është partia e cila do të përbëjë stacionin dhe rrugën e vetme të minoritetit grek", tha Miço gjatë prezantimit të partisë së re. Kreu i saj, bëri akuza të forta ndaj PBDNJ-së dhe OMONIA-s, të cilat sipas tij kanë përçarë minoritetin grek në Shqipëri.

"Para 20 vitesh u themelua OMONIA me të njëjtat aspirate dhe më tej PBDNJ, e cila në vend që të na bashkonte na përçau. Më vonë u ndamë në PS dhe PD, e me tej në tradhtarë e patriotë", shqiptoi Thoma Miço

Ai bëri thirrje duke thënë se duhet ti jepet fund absolutizmit, përfaqësimit të minoritetit grek prej OMONIAS, duke theksuar më tej se për minoritetin Mega do të jetë vazhdimësi e OMONIA-s së vërtetë.

Partia më e re njoftoi se do të dalë e vetme në zgjedhjet e ardhshme lokale, duke pohuar se deri tani ka arritur në 3000 anëtarë.