Ministrja e Ramës rrëfen pengun e saj: Babai s'donte t'i futesha politikës
Mirela Kumbaro, është një ndër ministret më afatgjata në qeverinë e Ramës. Pas zgjedhjeve të 25 qershorit, Kumbaro siguroi edhe mandatin e dytë në krye të ministrisë së Kulturës.

Gjatë një interviste në Neës 24 në emisionin "Vila 24" ajo ka rrëfyer për hapat e para në politikë.

Ajo ka rrëfyer se vendimi për përfshirjen në politikë nuk ishte vetëm i saji, por i gjithë familjarëve të saj, bashkëshortit të saj, gazetarit Aleksandër Furxhi, dhe dy fëmijëve.

Por jo e babait të saj. Kumbaro deklaroi se babai i saj ka qenë kundër përfshirjes së Mirelës në politikë.

Babai im ishte kundër përfshirjes sime në politikë. Sot ai nuk jeton më.

Prindërit e mi kanë qenë të dy arsimtarë, shumë të përkushtuar. Por mënyra sesi diktatura i trajton njerëzit e ndershëm dhe të drejtë është e dhimbshme, u heq të drejtën e fjalës dhe shprehjes së mendimit të lirë.

Dhe kjo bën që të krijohet një mendim ndryshe për politikën. Ndaj im atë ishte kundër”, shprehet Mirela Kumbaro. /albeu.com/



Shtuar më 10/01/2018, ora 11:52

Shkruani komentin tuaj!
Të fundit nga kjo kategori