Ministria e Arsimit rezervon në universitetet publike 600 vende për shqiptarët jashtë Shqipërisë
Ministria e Arsimit do t’i rezervojë kandidatëve shqiptarë që jetojnë në Maqedoni, Mal të Zi, Preshevë, Bujanovc dhe Medvegjaë, 600 vende për të studiuar në universitetet publike në Shqipëri.

Ministrja e Arsimit dhe Sportit, Lindita Nikolla e ka bëër të ditur këtë gjë në një deklaratë për shtyp ditën e mërkurë.

“Kandidatët nga Republika e Kosovës, si dhe kandidatët shqiptarë nga Maqedonia, Mali i Zi, Presheva, Bujanovci dhe Medvegja të cilët rezultojnë fitues të regjistrohen pranë sekretarive mësimore të fakulteteve brenda datës 8 tetor 2014”, u shpreh Ministrja Nikolla.

Kandidatët nga trojet shqiptare përfitojnë kuota për vazhdimin e studimeve në IAL publike, sipas VKM Nr. 517 datë 01.08.2014 “Për kuotat e pranimit në institucionet publikearsimit të lartë, cikli i parë i studimeve me kohë të plotë, programet e studimeve jo universitare, profesionale dhe në programet e integruara të studimeve të ciklit të dytë, si edhe tarifat e shkollimit për vitin akademik 2014 – 2015”, nënvizohet në njoftimin zyrtar. /albeu.com/
Shtuar më 01/10/2014, ora 19:21
Shkruani komentin tuaj!
Të fundit nga kjo kategori