Mijera veta protestuan kundër vjedhjes së votës
Albeu.com
Kryetari i BDI-së, Ali Ahmeti para qytetarëve tha se më një qershor u mbushën kuti si dhe u vranë dhe u plagosën njerëz nga institucionet e shtetit me urdhër të qarqeve antishqipëtare.Me një protestë një orëshe Bashkmi Demokratik për Integrim ka dënuar dhunën, vrasjet si dhe është shprehur kundër jolegjitimitetit të zgjedhjeve. Kryetari I partisë Ali Ahmeti tha se më një qershor u mbushën kuti si dhe u vra dhe u plagosën njerëz nga institucionet e shtetit me urdhër të qarqeve antishqipëtare.

Ahmeti ta se gjithmonë do ta mbrojë vullnetin e votës shqipëtare duke krijuar standardet dhe vlerat e demokracisë. Ahmeti kërkoi nga institucioent e shtetit të marrin përgjegjësinë për incidentete e bëra dhe të zbardhin të njëjtat.

"Do te ndërtohen vlera te mirëfillta demokratike që qytetarët të jenë të lirë dhe të barabartë. Ky vend është i yni dhe unë nuk jam pajtuar asnjëherë me deklaratat e fundit që bëhen qoftë nga institucionet apo nga ndonjë pseudoanalistë se na paskan ndodhur akte vandale dhe të turpshme vetëm në pjesën shqiptare. Ky vend është i të gjithë atyre që jetojnë këtu, edhe i shqiptarëve, edhe i maqedonasve, dhe të gjithëve. çkado e keqe që ndodhë në këtë vend, i ndodhë shtetit dhe ai ka përgjegjësi ndaj gjithë qytetarëve të vet", deklaroi para qytetarëve të tubuar, lideri i BDI, Ali Ahmeti.

Sipas Ahmetit, parrëgullësi më të theksuara ishin evidentuar në njësinë zgjedhore të Pollogut, ku oponentët e tij politik kishin mbushur në tërësi kutitë e votimit.

Edhe kryetari i shtabit zgjedhor të kësaj partie Izet Mexhiti akuzoi institucionet e shtetit bashkë me liderin e PDSH–së Menduh Thaçi për ioncidentete e shkaktuara.

Protesta e qetë e Bashkimit Demokratik për Integrim me moton Stop Dhunës mbahet në përvjetorin e gjahstë të kësaj partie.
(Meral Isamili, Alsat)
Shtuar më 06/06/2008, ora 15:45
Tage: arkiv
Shkruani komentin tuaj!
Të fundit nga kjo kategori