Meta-Totozani: Rritje e bashkëpunimit institucional
Kryetari i Kuvendit Ilir Meta vlerësoi sot punën e deritanishme të institucionit të Avokatit të Popullit duke nënvizuar një numër nismash pozitive të ndërmarra, kryesisht në promovimin e fortë të të drejtavenjeriut dhe në veçanti, edhe me grupet e shtresat sociale më të rrezikuara të shoqërisë shqiptare.

“Tek Kuvendi i Shqipërisë dhe shumica e re qeverisëse ju do të gjeni vullnetin e fortë e të pandryshueshëm politik në krijimin e gjithë kushteve për respektimin e të drejtavenjeriut, por dhe në aktivitetin tuaj të përditshëm. Rekomandimet e bëra nga institucioni juaj, do të shqyrtohen me seriozitet maksimal dhe, rast pas rasti, ato mund të shërbejnë dhe si shtysë për inisiativa të nevojshme ligjore”, theksoi Meta, gjatë një takimi me kreun e këtij institucioni Igli Totozani.

Meta premtoi një bashkëpunim të vazhdueshëm, të dukshëm e të përmirësuar cilësisht në komunikimin institucional.

Ndërsa Totozani komentoi një sërë problematikash të institucionit që ai drejton dhe theksoi rëndësinë e bashkëpunimit institucional me Kuvendin e Shqipërisë.

“Jemi të inkurajuar për të qenë të vendosur në zbatimin e detyrimeve tona ligjore, në promovimin dhe mbrojtjen e të drejtavenjeriut në Shqipëri”, tha Avokati Totozani duke vlerësuar edhe inisiativën e Kuvendit për të futur në rendin e ditës raportin vjetor të Avokatit të Popullit dhe raportimeve të veçanta të tij. /albeu.com/

Shtuar më 30/10/2013, ora 16:48

Shkruani komentin tuaj!
Të fundit nga kjo kategori