Takimi me Metën, Sekui: Besojmë se ky parlament do nxisë dialogun
Update- Kreu Kuvendit, Ilir Meta garantoi sot ambasadorin e BE-se ne vendin tone, Etore Sekui se ne Kuvend do te kete fryme konstruktive dhe bashkepunim per te arritur objektivin madhor, integrimin e vendit ne familjen evropiane. Në një deklaratë të pëbashkët për mediat, Meta u shpreh se në Kuvend ai do punojë për krijimin e nje klime sa më konstruktive që duhet të rrezatojë edhe jashtë tij, për bashkëpunimin mes të gjitha forcave



“Për mua ishte kënaqësi që takimin e parë si Kryetari i Kuvendit ta zhvilloja me Ambasadorin e BE, zotin Ettore Sequi, duke e falënderuar për ndihmën që BE i ka dhënë dhe vazhdon t’i japë vendit dhe Kuvendit të Shqipërisë dhe duke e siguruar se në këtë detyrë të re do të bashkëpunojmë shumë ngushtë me delegacionin e BE dhe gjithë institucionet e tjera në mënyrë që të forcojmë marrëdhëniet e parlamentit me institucionet përkatëse në BE”, tha Meta.


Nderkohe ambasadori Sekui uroi Metën për detyrën e re dhe vlerësoi edhe deklaratën e sotme të tij.

“Besojmë që ky parlament do nxisë dialogun dhe bashkëpunimin mes forcave politike, ku pas 23 vitesh përpjekjesh të përbashkëta për integrim, shumica dhe opozita do bashkëpunojnë me sukses, shpresojmë të kurorëzohet me rezultate të prekshme së shpejti”, tha ambasadori i BE.

09:09 -Kryetari i Kuvendit, Ilir Meta zhvillon sot një takim me ambasadorin e BE-së Ettore Sequi, përpara fillimit të seancës plenare. Takimi Meta-Sequi është parashikuar të zhvillohet në orën 09:00 në Kryesinë e Kuvendit. /albeu.com/
Shtuar më 14/09/2013, ora 10:49
Shkruani komentin tuaj!
Të fundit nga kjo kategori