Meta sfidon Rramën: Jap dorëheqjen, por me një kusht
Presidenti i Republikës, Ilir Meta ka sfiduar kryeministrin Edi Rama, duke thënë se jep dorëheqjen nëse vërtetohet se ka takuar persona të botëskrimit, siç pretendon kreu i qeverisë

Nga Korça, Meta tha se deklaratat e Ramës janë shpifje dhe propagandë.

“Pse merreni me shpifjet e Rilindjës. Këta vetëm këtë punë kanë, shpifje dhe propagandë. A tha një javë para se të mblidhej asambleja, kryeministri aktual që ‘Meta takon persona të botëskrimit dhe u kërkon angazhim për zgjedhje’. Unë i thashë, unë nuk jam shoku jot. Më thuaj kë kam takuar, thoja dhe shqiptarëve, thoja dhe asamblesë tënde që mos e kthe në një asamble tradhtare. Ju e dini si i përgjigjet populli shqiptar asamblesë tradhtare, me top. E dini ju se e ka treguar historia. Më thuaj kë kam takuar, kur e kam takuar. Unë jam gjithmonë i shoqërua nga garda e republikës. Nëse unë kam takuar një njeri të botëskrimit për tu angazhuar në zgjedhje unë jap dorëheqjen s’ka problem fare dhe vë një tjetër në presidencë”,tha Meta.
Shtuar më 23/10/2020, ora 13:21

Shkruani komentin tuaj!
Të fundit nga kjo kategori