Meta sfidon Ramën: I gatshëm të bëj testin e drogës dhe të shëndetit mendor
Presidenti Ilir Meta deklaroi sot për mediat se është i gatshëm të bëjë testin e shëndetit mendor, madje edhe atë të drogës dhe se këtë duhet të bëjnë të gjithë politikanët dhe drejtuesit në vend.

“Jam i gatshëm të bëj testin e shëndetit mendor dhe pas kësaj krize duhet të vëmë testin e shëndetit mendor dhe po kështu jam i gatshëm të bëjë edhe testin e drogës, Ndërsa për testin e shqiptarit e kam bërë dhe do e bëj gjithmonë”, deklaroi Meta.

Më tej ai foli për një grup të strukturuar kriminal që po çon vendin në greminë.

“Komplot kundër demokracisë dhe gjithë qytetarëve që duan demokraci të vërtetë europiane dhe perëndimore. I kam bërë të qartë zotit Basha dhe zonjës Kryemadhi që të jenë të kujdesshëm të mos bien pre e provokimeve të një grupi të strukturuar PPP dhe një d e vogël (PPPd). Një grup i strukturuar që vepron kundër shtetit”, tha Meta.
Shtuar më 02/07/2019, ora 12:04
Shkruani komentin tuaj!
Të fundit nga kjo kategori