Rizgjedhjen e Martin Schulz në krye të Parlamentit Evropian është përshëndetur edhe nga kreu i Kuvendit, Ilir Meta i cili u shpreh se Schulz është mik i Shqipërisë dhe avokat i integrimit evropian te rajonit.

“Zgjedhja e Martin Schulz është mesazh pozitiv për të ardhmen e BE. Schulz është mik i Shqipërisë dhe avokat i integrimit evropian te rajonit”, është shprehur Meta.

Martin Shulz është rizgjedhur sot në krye të Parlamentit Europian. Ai ka siguruar mbështetjen e grupimit të PPE-së, duke u bërë kështu Presidenti i parë që merr dy mandate në krye të Parlamentit Europian, i cili nisi sot punën me përbërjen e re të zgjedhur në votimet e mbajtura në muajin maj. /albeu.com/