Një aksident i trefishtë është regjistruar sot në Fushë-Krujë, ku tre automjete janë përplasur më njëri-tjetrin.
Ngjarja ndodhi në aksin e vjetër Mamurras-Fushë Krujë. Nga të dhënat e para mësohet se 3 persona kanë mbetur të plagosur, por nuk raportohet mbi gjendjen e tyre shëndetësore.
Policia po punon për zbardhjen e rrethanave të aksidentit.
Njoftimi i Policisë
Në aksin e vjetër Mamurras- Thumanë, në vendin e quajtur “Kryqëzimi i Adriatikut”, janë përplasur 3 automjete, ku si pasojë kanë marrë dëmtime 3 shtetas, të cilët janë dërguar në spitalin e Traumës, Tiranë dhe ndodhën nën kujdesin mjekësor, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes./albeu.com
