Petrit Vasili zgjidhet kreu i grupit parlamentar të LSI-së
Update- Petrit Vasili është zgjedhur në mbledhjen e grupit parlamentarë të Lëvizjes Socialiste për Integrim në krye të këtij grupi për katër vitet e ardhshme.

Ai është zgjedhur vetëm pak minuta më parë, në mbledhjen e drejtuar nga Ilir Meta, që nisi vetëm pak minuta para nisjes së seancës së parë parlamentare, pas zgjedhjeve të 23 qershorit.


17:30 Kreu i Lëvizjes Socialiste për Integrim, Ilir Meta mblodhi pasditen e sotme grupin parlamentar të partisë që drejton. Duke folur para tyre Meta u shpreh se qëllimi i LSI-së është respektimi i parimeve demokratike dhe mbi të gjitha gjithëpërfshirja.


“Në shkojmë në Kuvendin e ri, për herë të parë pas 9 vitesh, duke pasur një grup të konsiderueshëm parlamentar, i cili nuk është një surprizë, është thjesht kompensim i mandateve që kemi humbur padrejtësisht në 2005-2009.”- theksoi Meta.


Kjo është vetëm mbledhja e parë, tha Meta, për të vijuar më pas me mbledhjet e rregullta dhe javore të këtij grupi parlamentar, në mënyrë që ne të përmbushim programin tonë.
Shtuar më 09/09/2013, ora 18:50
Shkruani komentin tuaj!
Të fundit nga kjo kategori