Meta: Keqardhje per formen e protestes
Albeu.com
Kryetari i LSI-së Ilir Meta në fjalën e mbajtur në Forumin Rinor për Integrim i bëri thirrje opozitës që të bashkëpunojë për integrimin e vendit. "Është koha për të bashkëpunuar dhe secili të tregojë me vepra dhe jo me fjalë që punon për integrimin e ...... Shqipërisë" theskoi Meta duke shtuar se opozita nuk duhet të punojë në dëm të integrimit.

Duke iu referuar grevës së deputetëve socialistë në bulevardin "Dëshmorët e Kombit" Meta theksoi se shpreh keqardhje për inisiativën e deputetëve por theksoi se është e drejta e tyre të zgjedhin këtë formë për pretendimet që kanë.
"Natyrisht që është e drejta e tyre të zgjedhin këtë formë ekstreme të sakrificës për pretendimet që kanë por kjo nuk më ndal dot mua që t'i ftoj edhe njëherë për dialog me maxhorancën dhe qeverinë për procesin e integrimit" theksoi Meta.

Ndërkohë Meta duke iu referuar edhe deklaratës së sekretarit të përgjithshëm të NATO-s Rasmussen gjatë vizitës në Tiranë theksoi se të gjitha forcat politike duhet të angazhohen në mënyrë pozitive dhe kjo është e rëndësishme që çdo forcë të përmbush detyrat ndaj vendit dhe të ardhmes europiane. Meta ripërsërirti edhe njëherë se transparenca e zgjedhjeve do të bëhet sipas kushtetutës së vendit dhe se opozita duhet të kontribuojë në Kuvend për të ardhmen e vendit.

Meta gjithashtu theksoi se në muajt që vijnë shqiptarët do të lëvizin pa viza në Bashkimin Europian. Sipas tij lëvizja e lirë e të rinjve do të jetë një realitet dhe se gjatë këtyre 8 muajve është bërë një punë e jashtëzakonshme. Ai shtoi gjithashtu se së shpejti do të bëhet realitet edhe anëtarësimi i Shqipërisë në Bashkimin Europian duke shtuar se vendi ynë ka marrë vlerësime nga ndërkombëtarët për plotësimin e kërkesave. Gjithashtu Meta theksoi se gjatë vizitës së tij në Bruksel mori vlerësime për arritjet e Shqipërisë.
Shtuar më 04/05/2010, ora 02:17
Tage: arkiv

Shkruani komentin tuaj!
Të fundit nga kjo kategori