Kreu i Lëvizjes Socialiste për Integrim Ilir Meta ka komentuar për herë të parë ndryshimet e ministrave të tiij në qeveri. Duke folur në emisionin “FAKT”, Meta tha se “ndryshimet janë një mundësi për t’u dhënë një hov të ri punëve” Sipas tij, ndryshimet u ndërmorën për tu dhënë mundësi të reja bashkëpunëtorëve.

“Nuk mendoj se zgjedhja në qeveri është privilegj por përgjegjësi. As ikja nga qeveria nuk është ndëshkim, është mundësi për reflektim dhe për angazhim më të spikatur politik apo partiak” tha Meta. Për ministrin e ri të Jashtëm Edmond Panariti i cili nuk është me profil diplomat, Meta tha se nuk duhet paragjykuar pasi mund të japë shumë. “Ai ka eksperiencë politike për të dhënë kontribut në procesin integrues. Jam i sigurtë se do të jetë profil shumë i suksesshëm” vijoi Meta /albeu.com/